ახალი კადრები ბოინგ 777-ის კატასტროფის ადგილიდან. სკანდალური ვიდეომასალა ტრაგედიიდან ერთი წლის თავზე ერთ-ერთმა ავსტრალიურმა ინტერნეტ-პორტალმა გაავრცელა. კადრებში კარგად ჩანს, თუ როგორ ჩხრეკენ სეპარატისტები დაღუპული მგზავრების ჩანთებს და როგორ ცდილობენ იმის გარკვევას, სამოქალაქო თვითმფრინავი ჩამოაგდეს თუ არა. მალაიზიის ავიახაზების კუთვნილი სამგზავრო თვითმფრინავი დონბასში გასული წლის 17 ივლისს ჩამოაგდეს, რასაც 277 მგზავრი და ეკიპაჟის 12 წევრი ემსხვერპლა. დაღუპულთა უმრავლესობა ჰოლანდიის მოქალაქე იყო. მომხდარზე პასუხისმგებლობას კიევი სეპარატისტებს აკისრებს. მალაიზია კი მომხდართან დაკავშირებით საერთაშორისო ტრიბუნალის ჩატარებას ითხოვს, რასაც მხარს ბელგია, ბრიტანეთი, უკრაინა, ჰოლანდია და ავსტრალიაც უჭერს. რუსეთი ტრიბუნალის ჩატარების წინააღმდეგ გამოდის.
