ხანგრძლივი წინააღმდეგობის მიუხედავად, საბერძნეთის ხელისუფლებას ევროკავშირის მოთხოვნების შესრულება მოუხდა. ქვეყნის პარლამენტმა იმ ხისტი ეკონომიკური რეფორმების პაკეტის რატიფიცირება მოახდინა, რომლის გატარებასაც საერთაშორისო კრედიტორები ფინანსური დახმარების სანაცვლოდ ითხოვდნენ. კენჭისყრა საკანონმდებლო ორგანოში მწვავე დებატების ფონზე მიმდინარეობდა. დოკუმენტის რატიფიცირების წინააღმდეგ ულტრამემარჯვენე პარტია “სირიზა” და მისი ერთ-ერთი ლიდერი, თანამდებობიდან ახლახანს გადამდგარი ფინანსთა მინისტრი იანის ვარუფაკისი გამოდიოდა, თუმცა დონორთა მოთხოვნების შესრულებას პარლამენტმა მხარი ხმათა უმრავლესობით დაუჭირა. 86 მილიარდიანი ტრანშის სანაცვლოდ ათენმა საპენსიო ასაკი და გადასახადები უნდა გაზარდოს და რამდენიმე მტკივნეული რეფორმა უნდა გაატაროს.
