პრემეირის სპეციალური წარმომადგენელი რუსეთთან ურთიერთობის საკითხებში ზურაბ აბაშიძე აცხადებს, რომ პრაღის მოლაპარაკებების ფორმატში რკინიგზის საკითხი არ განხილულა.
რუსეთის საგარეო უწყების ხელმძღვანელის მოადგილე გრიგორი კარასინი კი ამბობს, რომ შეხვედრაზე ეს საკითხი განიხილეს, თუმცა პოზიციების შეჯერება ვერ მოხერხდა.
"აფხაზეთის რკინიგზის საკითხი განვიხილეთ და კიდევ ერთხელ მივედით დასკვნამდე, რომ ამ თემაზე საუბარი მხოლოდ ჰიპოთეტურად შეგვიძლია. საბოლოო გადაწყვეტილება ამ საკითხზე საქართველოსა და აფხაზეთის ხელისუფლებებმა პირდაპირი კონტაქტების საფუძველზე უნდა მიიღონ,"-განაცხადა გრიგორი კარასინმა.
