ე.წ. საოკუპაციო ზოლის გადმოწევის ფაქტს ოფიციალური ვილნიუსიც ეხმაურება. საგანგებო განცხადება ლიტვის საგარეო საქმეთა სამინისტრომ გამოაქვეყნა. “10 ივლისს მომხდარი ინციდენტი რუსეთის მხრიდან საქართველოს სუვერენიტეტისა და ტერიტორიული მთლიანობის ხელყოფის კიდევ ერთი მცდელობაა. რუსეთი განაგრძობს საკუთარ აგრესიულ პოლიტიკას და უხეშად არღვევს საერთაშორისო ნორმებს. აღნიშნული ქმედებებით ის ზიანს აყენებს სამშვიდობო პროცესს და რეგიონში დესტაბილიზაციას იწვევს. ლიტვა საქართველოს ტერიტორიულ მთლიანობას მყარ მხარდაჭერას უცხადებს და მოუწოდებს რუსეთს აგრესიის შეწყვეტისა და საერთაშორისო ვალდებულებების შესრულებისკენ,”-ნათქვამია ლიტვის საგარეო უწყების განცხადებაში.
