ბრიუსელის სამიტზე საბერძნეთის პრემიერ-მინისტრს აშანტაჟებდნენ. ამის შესახებ მან ბერძნული ტელეარხისთვის მიცემულ ინტერვიუში განაცხადა. ალექსის ციპრასის მტკიცებით, მოლაპარაკებებზე მას გაკოტრებით ემუქრებოდნენ. “ჩვენ მათ არჩევანის წინაშე დაგვაყენეს. ან უნდა დავთანხმებულიყავით შემოთავაზებულ პირობებს ან გველოდა გაკოტრება და ევროზონიდან უკონტროლო გასვლა. დიდად არ მჯერა იმ ზომების ეფექტურობის, რომელსაც ევროპელი ლიდერები გვთავაზობენ, მაგრამ მზად ვარ მათი რეალიზება მოვახდინო, რადგანაც ეს ევროზონაში დარჩენის ერთადერთი გზაა,”-აღნიშნა ციპრასმა.
