საერთაშორისო ექვსეულსა და ირანს შორის მიღწეული შეთანხმების გამო შეშფოთებას გამოთქვამს ისრაელის პრემიერ-მინისტრიც. საგანგებო განცხადება ბენიამინ ნეთანიაჰუმ გვიან ღამით გააკეთა. მისი თქმით, ვენაში მიღწეული შეთანხმება დამღუპველი ისტორიული შეცდომაა, რადგანაც თეირანს ამით რეგიონში საკუთარი აგრესიული პოლიტიკის გათარების საშუალება მიეცემა. ნეტანიაჰუს განცხადებით, ირანი კვლავინდებურად ისრაელის განადგურებაზე იფიქრებს, ისრაელი კი თავს ნებისმიერ შემთხვევაში დაიცავს და თეირანის აგრესიის აღკვეთაში ხელს ვერანაირი შეთანხმება ვერ შეუშლის.
