უკრაინის ყოფილი პრემიერ-მინისტრი მუკაჩევოს ინციდენტში მილიციას ადანაშაულებს. ამის შესახებ იულია ტიმოშენკომ გადაცემა „პოდრობნოსტიში“ განაცხადა. „მილიციისგან ინციდენტის ობიექტურ გამოძიებას არ უნდა ველოდეთ, რადგანაც მილიცია მონაწილე მხარეა. არავისთვის არის საიდუმლო, რომ კონტრაბანდასა და კორუფციაში სამართალდამცავი სტრუქტურები აქტიურად არიან ჩართულნი,“-აღნიშნა ტიმოშენკომ. მანამდე უკრაინის პრეზიდენტმა პეტრო პოროშნკომ ღიად განაცხადა, რომ მუკაჩევოს ინციდენტი კონტრაბანდას უკავშირდება. რადიკალურ დაჯგუფება „მემარჯვენე სექტორის“ მებრძოლები 2 დღის წინ მუკაჩევოში სამართალდამცავებს დაუპირისპირდნენ. შეტაკებას 2 ადამიანი ემსხვერპლა, 10-მდე კი დაიჭრა.
