დონბასელ სეპარატისტთა მიერ კონტროლირებად ტერიტორიაზე მალაიზიური ბოინგის ჩამოგდების გამო საერთაშორისო ტრიბუნალის მოწყობას უკვე მსოფლიოს 5 ქვეყანა ითხოვს. ამ ინიციატივით უკრაინა, ბელგია, მალაიზია, ჰოლანდია და ავსტრალია გამოდიან. ბოინგ 777 უკრაინის ტერიტორიაზე გასული წლის ზაფხულში ჩამოაგდეს, რასაც 298 ადამიანი ემსხვერპლა. მომხდარში კიევი სეპარატისტებს ადანაშაულებს.
