კიევი ე.წ. სამხრეთ ოსეთსსა და რუსეთს შორის დადებულ "მოკავშირეობისა და ინტეგრაციის შეთანხმებას" გმობს და რუსეთს საერთაშორისო სამართლის უხეშ დარღვევაში ადანაშაულებს. საგანგებო განცხადებას უკრაინის საგარეო საქმეთა სამინისტრო აქვეყნებს.
"ახალი ტერიტორიების მიტაცება კიდევ ერთხელ ადასტურებს რუსეთის მცოცავ ანექსიას. საქართველოს ტერიტორული მთლიანობისა და სუვერენიტეტის დარღვევა, ყირიმის ავტონომიური რესპუბლიკის ანექსია და აღმოსავლეთ უკრაინაში განვიტარებული პროცესები თანამედროვე მსოფლიო უსაფრთხოების სისტემას არღვევს", - ნათქვამია სამინისტროს განცხადებაში. კიევი გმობს რუსეთის ქმედებებს და მტკიცე მხარდაჭერას უცხადებს საქართველოსსუვერენიტეტსა და ტერიტორიულ მთლიანობას.
