13-14 ივლისს, საქართველოს სტრატეგიისა და საერთაშორისო ურთიერთობების კვლევის ფონდი (GFSIS), პროექტის - “ევროინტეგრაციის პროცესის მხარდაჭერა ქვემო ქართლში, ჯავახეთსა და აჭარის ავტონომიურ რესპუბლიკაში” ფარგლებში, ორგანიზებას უწევს ორდღიან ტურს თბილისში ქვემო ქართლისა და ჯავახეთის რეგიონების წარმომადგენელი არასამთავრობო ორგანიზაციებისა და ჟურნალისტებისთვის.
13 ივლისს, 16:30 საათზე, პროექტის ფარგლებში მოეწყობა შეხვედრა საქართველოს პარლამენტის ევროპასთან ინტეგრაციის კომიტეტის თავმჯდომარის პირველ მოადგილესთან გუგული მაღრაძესთან.
პროექტი ხორციელდება იან ტონისონის ინსტიტუტთან (ტალინი, ესტონეთი) ერთად, ესტონეთის საგარეო საქმეთა სამინისტროს ფინანსური ხელშეწყობით და მიზნად ისახავს ხელი შეუწყოს საქართველოში, როგორც ეთნიკურად სომეხ და აზერბაიჯანელ უმცირესობებს, ისე აჭარის ავტონომიური რესპუბლიკის მაცხოვრებლებს შორის ცოდნის ამაღლებას ევროკავშირის, ევროინტეგრაციისა და საქართველოში ევროკავშირის როლის შესახებ.
პროექტის მიზანს ასევე წარმოადგენს ქვემო ქართლსა და სამცხე-ჯავახეთში მცხოვრები ეთნიკური უმცირესობების მონაწილეობის გაზრდა საქართველოს საშინაო და საგარეო, ასევე სოციალურ, პოლიტიკურ, ეკონომიკურ თუ კულტურულ ცხოვრებაში და მათთვის თანაბარი სამოქალაქო, პოლიტიკური ეკონომიკური და სოციალური უფლებებისა და შესაძლებლობების უზრუნველყოფა.
შეხვედრა თბილისში მდებარე პარალემნტის შენობაში შედგება.
