ევროჯგუფის შეხვედრა კვლავ უშედეგოდ დასრულდა. ევროზონის 19 ქვეყნის ფინანსთა მინისტრები საბერძნეთის საკითხზე ვერ შეთანხმდნენ. შეხვედრის დასრულების შემდეგ პირველი კომენტარი ევროჯგუფის თავმჯდომარემ გააკეთა. იერუნ დეისელბლუმის განცხადებით, მოლაპარაკებები მწვავე დისკუსიის ფონზე მიმდინარეობს და კომპრომისის მიღწევა ჯერჯერობით ვერ ხერხდება. ევროზონის მინისტრები დიალოგს დღეს განაახლებენ. დღესვე საბერძნეთის საკითხს ბრიუსელის სამიტზე ევროკავშირის წევრი 28 ქვეყნის ლიდერები განიხილავენ.
