შეიარაღებული დაპირისპირების საფრთხე უკრაინაში ლოკალიზებულია. ხელისუფლება მემარჯვენე სექტორის ლიდერ დიმიტრი იაროშთან დაჯგუფების განიარაღების შესახებ მოლაპარაკებას აწარმოებს. ვითარება უკრაინაში მას შემდეგ დაიძაბა, რაც მემარჯვენე სექტორის მებრძოლები ქალაქ მუკაჩევოსთან გამაგრდნენ. სამთავრობო ძალებმა და მილიციამ ისინი ალყაში მოიქცია. ლოკალური შეტაკებების შედეგად 10 ადამიანი დაშავდა. ვრცელდება ინფორმაცია მემარჯვენე სექტორის ორი მებრძოლის დაღუპვის შესახებაც. როგორც დაჯგუფების ლიდერი აცხადებს, მის მებრძოლებს ცეცხლი პირველად სამართალდამცავებმა გაუხსნეს და ისინი უბრალოდ, თავს იცავდნენ. ინციდენტიდან რამდენიმე საათში ლვოვში, დნეპროპეტროვსკსა და უკრაინის რამდენიმე ქალაქში მემარჯვენე სექტორის მხარდამჭერი აქციები გაიმართა.
