უკრაინის უმაღლესი რადა უახლოეს ხანებში ორ მნიშვნელოვან კანონს მიიღებს. ამის შესახებ ოდესის გუბერნატორი მიხეილ სააკაშვილი სოციალურ ქსელ „ფეისბუკში“ წერს. „პირველი კანონი მექრთამეობის ბრალდებით დაკავებულთა თავდებით გათავისუფლებას აკრძალავს, მეორე კი კორუმპირებულებს საკუთარი ქონების დამალვის შესაძლებლობას გამოაცლის. ეს იქნება ძალიან მნიშვნელოვანი კანონები, რომლითაც კორუფციასთან ბრძოლა გაადვილდება,“-წერს სააკაშვილი.
