შინაგან საქმეთა მინისტრის მოადგილის არჩილ თალაკვაძის განცხადებით ლიკა კიკიანთან მიმართებით, თუ დანაშაული ჩაიდინეს პოლიციელებმა, დაისჯებიან კანონის შესაბამისად.
„მზადყოფნა თავიდანვე გამოვთქვით, რომ ეს საქმე პროკურატურას გადასცემოდა. გამოძიება გაარკვევს, რა მოხდა სინამდვილეში. დარწმუნებული ვარ, თუ დანაშაული ჩაიდინეს პოლიციელებმა, დაისჯებიან კანონის შესაბამისად,“ - განაცხადა არჩილ თალაკვაძემ.
შეგახსენებთ, რო, რამდენიმე დღის წინ, კუს ტბაზე მომხდარ ინცინდენტთან დაკავშირებით, გამოძიება პროკურატურამ მოხელის მხრიდან უფლებამოსილების ჯგუფურად გადამეტების მუხლით დაიწყო. დანაშაული 8-დან 15 წლამდე პატიმრობას ითვალისწინებს.
კლუბ “ვიტამინი”-ს მენეჯერს ლიკა კიკიანს, რომელიც სამართალდამცველებს მის სიტყვიერ და ფიზიკურ შურაცხყოფაში ადანაშაულებს, პროკურატურაში დღეს დაკითხავენ.
