არცერთი ცივილიზებული ქვეყანა, რომელიც ადამიანის უფლებებსა და საერთაშორისო ნორმებს აღიარებს, ყირიმის ანექსიას და რუსეთის დანასაულებრივ ქმედებებს ლეგიტიმურად არ ცნობს. ამის შესახებ უკრაინის საგარეო საქმეთა მინისტრმა განაცხადა. პაველ კლიმკინი მოკლე კომენტარით რუსი კოლეგის, სერგეი ლავროვის განცხადებას გამოეხმაურა, რომლის მიხედვითაც ყირიმის საკითხი ნახევარკუნძულზე ჩატარებული რეფერენდუმის შემდეგ დახურულია და რუსეთთან ყირიმის მიერთება ადგილობრივი მოსახლეობის ნებას წარმოადგენს. კლიმკინის თქმით, ყირიმის საკითხი რუსეთმა დახურა, უკრაინისთვის კი ის ღია რჩება.
