პარლამენტის თავმჯდომარის მტკიცებით, „ეროვნული ბანკის შესახებ“ კანონპროექტზე მსჯელობა საერთაშორისო ორგანიზაციებთან ურთიერთგაგების მიღწევამდე გაგრძელდება, - ამის შესახებ დავით ბაქრაძემ ბიუროს დღევანდელ სხდომაზე განაცხადა და ის პრგანიზაციები დააკონკრეტა, რომლებსაც ამ შემთხვევაში გულისხმობს.
უსუფაშვილის განმარტებით, ეროვნულ ბანკის კანონპროექტთან დაკავშირებით მას წერილით მიმართეს მსოფლიო ბანკმა, აზიისა და ევროპის განვითარების ბანკმა და სავალუტო ფონდმა.
„მინდა დავამშვიდო ყველა - ბიზნესმენი, ბანკები თუ ეროვნული ბანკის წარმომადგენლები, არაფერი არ მოხდება ისეთი, რაც ჩვენს ქვეყანას დააზიანებს. საკითხზე მუშაობა გაგრძელდება მანამ, სანამ არ იქნება ურთიერთგაგება მიღწეული საერთაშორისო ორგანიზაციებთან“, - განაცხადა უსუფაშვილმა და პარლამენტის საორგანიზაციო დეპარტამენტს დაავალა, საკანონმდებლო ორგანოს ვებგვერდზე ის წერილი გამოქვეყნონ, რომელიც მან საერთაშორისო ორგანიზაციებისგან მიიღო.
„ეროვნული ბანკის შესახებ“ კანონპროექტის თანახმად, ბანკს ზედამხედველობის სააგენტო გამოეყოფა.
