საპარლამენტო ოპოზიციას სხდომების გაცდენისთვის რეგლამენტის გამკაცრება არ მოსწონს. ცვლილებების პროექტის დამტკიცების შემდეგ კანონმდებლებს “ოჯახური მდგომარეობის” გამო სხომების გაცდენა საპატიოდ აღარ ჩაეთვლებათ. “ნაციონალურ მოძრაობაში” ამბობენ, რომ ამით დეპუტატებს ამომრჩევლებთან შეხვედრებში ხელი შეეშლებათ. თავისუფალ დემოკრატებს კი “ოჯახური მდგომარეობის” დეფინიციის შემოღება სურთ. ნაციონალუმა მოძრაობამ რეგისტრაცია არ გაიარა და პარლამენტში ქვორუმის არარსებობის გამო კენჭისყრები ისევ ვერ ჩატარდა. დეპუტატებმა რეგისტრაცია ორჯერ გაიარეს, თუმცა საჭირო რაოდენობა მაინც არ აღმოჩნდა. კენჭისყრა არ შედგა ე.წ. მთის კანონზეც. ნაციონალური მოძრაობა კანპროექტში კორუფციის რისკებს ხედავს და ამ ფორმით მის მხარდაჭერას არ აპირებს. უმრავლესობა კი უმცირესობის ამ ნაბიჯს უპასუხისმგებლოს უწოდებს. მათი შეფასებით, ნაციონალური მოძრაობა ამტკიცებს, რომ მთის განვითარებას დიდი ქალაქების განვითარება ურჩევნია.
