ევრაზიის სივრცე გეოპოლიტიკური თამაშების არეალად არ უნდა იქცეს. ამის შესახებ რუსეთის პრეზიდენტმა უფაში მიმდინარე სამიტზე განაცხადა. “ჩვენთვის ევრაზია ჭადრაკის დაფა არ არის. ეს ჩვენი სახლია და ჩვენ ყველას გვსურს, სახლში სიმშვიდე და სტაბილურობა იყოს. ჩვენ არც ექსტრემიზმი გვსურს და არც ის, რომ ვიღაცის ინტერესების გამო სხვების ინტერესები დაზარალდეს,”-აღნიშნა პუტინმა. “ბრიკსის” სამიტი უფაში 8 ივლისს დაიწყო და დღეს დასრულდება. მასში რუსეთის, ბრაზილიის, ჩინეთის, სამხრეთ აფრიკისა და ინდოეთის პირველი პირები მონაწილეობენ.
