„უსაფრთხოების სამსახურის შესახებ“ პარლამენტის მიერ მიღებული კანონის ერთი ნაწილი ამოქმედდება, რომელიც სამსახურის უფროსის დანიშვნას ეხება,რაც შეეხება კანონის დარჩენილ ნაწილს, ის პირველი აგვისტოდან ამოქმედდება, - მის შესახებ ჟურნალისტებთან პარლამენტის იურიდიულ საკითხთა კომიტეტის თავმჯდომარემ ვახტანგ ხმალაძემ განაცხადა.
მისი განმარტებით, პრემიერ-მინისტრმა მთავრობას აღნიშნული სამსახურის უფროსის კანდიდატურა უნდა წარუდგინოს.
,,თუ მთავრობა ამ კანდიდატურას მოიწონებს, მან პარლამენტს უნდა წარუდგინოს და შემდგომ საკანონმდებლო ორგანომ კანდიდატურა უნდა განიხილოს და სრული უმრავლესობის გადაწყვეტილებით კენჭისყრაზე დაამტკიცოს” - აცხადებს ხმალაძე, თუმცა აცხადებს, რომ არ იცის განიხილება თუ არა რომელიმე დეპუტატი აღნიშნულ თანამდებობაზე.
,,პარლამენტარებთან მიდის თუ არა კონსულტაციები არ ვიცი. მთელ რიგ საკითხებზე ინფორმაცია მაქვს, მაგრამ სანამ ამ ინფორმაციის გასაჯაროების საჭიროება არ დადგება, ამ ინფორმაციას არ გავასაჯაროებ“, - დასძინა ხმალაძემ.
