„საერთაშორისო გამჭვირვალობა – საქართველოს“ მნიშვნელოვანი შენიშვნები აქვს, როგორც „სახელმწიფო უსაფრთხოების სამსახურის შესახებ“ კანონპროექტის შემუშავების პროცესთან, ასევე მის შინაარსთან დაკავშირებით.
არასამთავრობო ორგანიზაციის განმარტებით, უსაფრთხოების სამსახურში ჭარბი ძალაუფლების კონცენტრირება და შინაგან საქმეთა სამინისტროსთან ფუნქციათა დუბლირება, უსაფრთხოების სამსახურის დაბალი გამჭვირვალობის სტანდარტი და გარე კონტროლის სუსტი მექანიზმები, უსაფრთხოების სამსახურის კონტროლის ფარგლები სახელმწიფო დაწესებულებებსა და კერძო სტრუქტირებზე, ე.წ. „ოდეერების“ ინსტიტუტის ფორმალური ფორმირება და ფარული თვალთვალი მიყურადების უცვლელი პრობლემებით. სწორედ ამ პრობლემების გამო, „საერთაშორისო გამჭვირვალობა – საქართველო“ რეფორმას დადებითად ვერ შეაფასებს.
,,ჩვენ გვინდა მივიღოთ ძლიერი უსაფრთხოების სამსახური, ძლიერი – ფუნქციების ეფექტურად განხორციელების თვალსაზრისით და არა ძლევამოსილი – ჭარბი ძალაუფლების კონცენტრაციითა და ტოტალური კონტროლის მექანიზმებით. ერთი სამსახურისათვის გამოძიების, პრევენციის, ანალიზის და სამართალდაცვის, ხშირად დუბლირებული, ფუნქციების მინიჭება სწორედ მის არაეფექტურობას განაპირობებს”, _აცახდებენ არასამთავრობო ორგანიზაციაში.
სახელმწიფო უსაფრთხოების შესახებ კანონი პარლამენტმა უკვე დაამტკიცა. ამ დროისთვის უცნობია თუ ვინ უხელძღვანელებს ახალ სამსახურს.
