ხვალ, 10 ივლისს ქ. ჰელსინკიში დაგეგმილია ეუთო-ს მაღალი დონის არაფორმალური შეხვედრა, რომელშიც მონაწილეობას მიიღებს საქართველოს დელეგაცია, მინისტრის პირველი მოადგილის დავით დონდუას ხელმძღვანელობით.
საგარეო უწყების ცნობით, აღნიშნულ არაფორმალურ შეხვედრაზე ეუთო-ს მონაწილე ქვეყნების დიდი უმრავლესობა მინისტრის მოადგილეების დონეზე იქნება წარმოდგენილი.
დელეგაციები იმსჯელებენ ევროპული უსაფრთხოების კრიზისზე; ეუთო-ს როლზე უსაფრთხოებისა და სტაბილურობის კუთხით არსებული გამოწვევების დაძლევის პროცესში.
ასევე ქართული მხარე ისაუბრებს რუსეთ-საქართველოს კონფლიქტზე და მის უარყოფით შედეგებზე ევროპული უსაფრთხოების არქიტექტურისთვის.
