,,დემოკრატიული მოძრაობის” ლიდერი ნინო ბურჯანაძე რუსეთის ხელისუფლების წარმომადგენლებთან საქართველოს უსაფრთხოების საკითხებზე სასაუბროდ მოსკოვში გაემგზავრა.
ბურჯანაძე რუსეთში დუმის სპიკერის სერგეი ნარიშკინის მიწვევით ჩავიდა. ყოფილი პარლამენტის თავმჯდომარე ნინო ბურჯანაძე ხვალ მონაწილეობას მიიღებს რუსეთის სახელმწიფო დუმისა და რუსეთის საგარეო საქმეთა სამინისტროს მიერ ორგანიზებულ მრგვალ მაგიდაში.
ის მაღალი რანგის შეხვედრებსაც გეგმავს ფედერაციის საბჭოსა და რუსეთის საგარეო საქმეთა სამინისტროში.
,ამჯერად ორმაგი დატვირთით მივდივარ, ერთი მხრივ, კონფერენციაში მონაწილეობის მისაღებად რომელიც უსაფრთხოების გამოწვევებს ეძღვნება, ამავდროულად შეხვედრები მექნება რუსეთის ხელისუფლების უმაღლეს წარმომადგენლებთან. საუბარი იქნება სწორედ საქართველოს უსაფრთხოების საკითხებზე და იმ თემებზე რომელიც ძალიან კვტკივა, ძალიან გვაწუხებ და რომლის მოგვარებისთვის აუცილებელია რუსეთთან საუბარი”, _განაცხადა ჟურნალისტებთან ბურჯანაძემ.
