პრემიერ-მინისტრის ირაკლი ღარიბაშვილის განცხადებით, საჯარო მოხელეთა მომზადების ცენტრი შეიქმნება და მისი ფუნქციონირება "საჯარო სამსახურის" შესახებ ახალი კანონის ამოქმედების პერიოდს უნდა დაემთხვეს. აღნიშნული ინიციატივა პრემიერმა მთავრობის წევრებს დღევანდელ სხდომაზე გააცნო.
"ჩვენ ვაპირებთ, გავითვალისწინოთ გამოცდილება ისეთი ცენტრებიდან, როგორებიცაა გერმანიის ფედერალური აკადემია, ასევე პოლონეთს აქვს კარგი გამოცდილება. ასე რომ, ვფიქრობ, იმ მომენტისთვის, როცა ამოქმედდება კანონი, ჩვენ ეს ცენტრი გვექნება გამართული. აუცილებელია, რომ საჯარო მოხელეთა გადამზადება იყოს სისტემატური მათი კვალიფიკაციის ამაღლების მიზნით. რა თქმა უნდა, ეს აისახება ჩვენს მუშაობაზე", - აღნიშნა ირაკლი ღარიბაშვილმა.
