,,ნაცმოძრაობის” წევრი ნუგზარ წიკლური მიიჩნევს, რომ საპარლემნტო უმრვლესობის დეპუტატმა რიგგარეშე სხდომაზე ღიად დაგმო საქართველოს სწრაფვა ნატოსკენ.
მისივე თქმით, აუცილებელია საპროტესტო აქციის ორგანიზება ქართული ოცნების კოლაბორაციონიზმის წინააღმდეგ.
,,დღეს ,,ქართული ოცნების” წევრმა გოგი ქავთარაძემ უმრავლესობის სახელით ღიად დაგმო საქართველოს სწრაფვა ნატოსკენ.ქართულმა ოცნებამ სრულიად აშკარად გაახმოვანა პუტინის ანტიდასავლური გზავნილი საქართველოს პარლამენტში.
ვფიქრობ, აუცილებელია დიდი საპროტესტო აქციის ორგანიზება ქართული ოცნების კოლაბორაციონიზმის წინააღმდეგ”, _აცხადებს წიკლაური.
კოალიცია ,,ქართული ოცნების” წევრმა გოგი ქავთარაძემ ალიანსის მიმართ პარალამენტის რიგგარეშე სესიაზე უკმაყოფილება გამოხატა და აღნიშნა, რომ ადამიანის მსგავსად ქვეყანასაც აქვს თავმოყვარეობა.
,,კოლეგებო, შეიძლება უცნაურად მოგეჩვენოთ და გამკიცხოთ კიდეც, მაგრამ მე მაინც მინდა ასეთი განცხადება გავაკეთო რას გვახვეწნინებ ამ ნატო-ში შესვლას? დავიჯერო, ნატო-ს წევრი ქვეყნებიდან ზოგი უფრო მეტად იმსახურებს წევრობას, ვიდრე ჩვენ?შეხედეთ, როგორ იბრძვიან ჩვენი ბიჭები ნატო-ს ჯარისკაცების მხარდამხარ. თუ გვიფიქრია იმაზე, რომ ჩვენს მეზობელ ქვეყნებში ჩუმ-ჩუმად ქირქილობენ, როცა ვიხვეწებით ნატო-ში გაწევრიანებაზე და ისინი არ გვიღებენ. როგორც ამბობენ, ადამიანის მსგავსად ქვეყანასაც აქვს თავმოყვარეობა”, - განაცხადა ქავთარაძემ.
