,,ნაცმოძრაობის” დეპუტატი დავით დარჩიაშვილი აცხადებს, რომ საპარლამენტო უმრავლესობის დეპუტატის გოგი ქავთარაძის განცხადების უკან ,,ქართული ოცნების” ხელმძღვანელობა დგას. როგორც საკითხის კომენტირებისას დარჩიაშვილმა განმარტა მსგავსი ტიპის ანტიდასავლურ განცხადებები ხელისუფლების წარმომადგენლების მხრიდან არაერთხელ გაკეთებულა.
,,ამ განცხადების მთავარი არსი ის არის, რომ დეპუტატი ნატოსკენ სწრაფვას უთავმოყვარეობას უწოდებს. ჩემთვის ცალსახაა, რომ ამ ყველაფრის უკან დგას ქართული ოცნების ხელმძღვანელობა ივანიშვილის ჩათვლით," - განაცხადა დავით დარჩიაშვილმა.
კოალიცია ,,ქართული ოცნების” წევრმა გოგი ქავთარაძემ ალიანსის მიმართ პარალამენტის რიგგარეშე სესიაზე უკმაყოფილება გამოხატა და აღნიშნა, რომ ადამიანის მსგავსად ქვეყანასაც აქვს თავმოყვარეობა.
,,კოლეგებო, შეიძლება უცნაურად მოგეჩვენოთ და გამკიცხოთ კიდეც, მაგრამ მე მაინც მინდა ასეთი განცხადება გავაკეთო რას გვახვეწნინებ ამ ნატო-ში შესვლას? დავიჯერო, ნატო-ს წევრი ქვეყნებიდან ზოგი უფრო მეტად იმსახურებს წევრობას, ვიდრე ჩვენ?შეხედეთ, როგორ იბრძვიან ჩვენი ბიჭები ნატო-ს ჯარისკაცების მხარდამხარ. თუ გვიფიქრია იმაზე, რომ ჩვენს მეზობელ ქვეყნებში ჩუმ-ჩუმად ქირქილობენ, როცა ვიხვეწებით ნატო-ში გაწევრიანებაზე და ისინი არ გვიღებენ. როგორც ამბობენ, ადამიანის მსგავსად ქვეყანასაც აქვს თავმოყვარეობა”, - განაცხადა ქავთარაძემ.
