გაძლიერდება თუ არა სამშვიდობო ოპერაციებში ეუთოს როლი?- საკითხი ევროპის უშიშროებისა და თანამშრომლობის ორგანიზაციის საპარლამენტო ასამბლეაზე დეპუტატმა თედო ჯაფარიძემ დააყენა. ჯაფარიძის არგუმენტით, 2008 წელს საერთაშორისო საზოგადოება უფრო აქტიური რომ ყოფილიყო, უკრაინის კრიზისი აღარ შეიქმნებოდა. ქართული მხარის ინიციატივას დეპუტატების უმრავლესობამ მხარი დაუჭირა. ეუთოს საპარლამენტო ასამბლეაზე ხმათა უმრავლესობით გაიზიარეს გიროგი ვოლსკის ინიციატივაც, რომელიც იძულებით გადაადგილებულ პირთა სამართლებრივ უფლებებსა და მათ მუდმივ საცხოვრებელ ადგილებში დაბრუნებას ეხებოდა. რეზოლუციის პროექტის განხილვა, რომელიც დემოკრატიის, ადამიანის უფლებათა და ჰუმანიტარულ საკითხთა კომიტეტზე სერბმა პარლამენტარმა წარადგინა, დებატების ფონზე წარიმართა. საკომიტეტო ფორმატში მუშაობას საპარლამენტო ასამბლეა ხვალაც განაგრძობს. ყოველწლიური სესია პლენარული სხდომით დასრულდება.