სასამართლო სისტემის რეფორმასთან დაკავშირებული კანონპროექტი უკვე პარლამენტშია. ინიციატივით დამოუკიდებელი ინსპექტორის სამსახური გამოდის. კანონპროექტის თანახმად, ინსპექტორის სამსახური იუსტიციის უმაღლეს საბჭოში შეიქმნება. ამას გარდა, ახალი რეგულაციების ამოქმედების შემდეგ საჭირო გახდება უზენაესი სასამართლოს ახალი შემადგენლობის არჩევა. უქმდება უზენაესი სასამართლოს თავმჯდომარის პირველი მოადგილისა და მოადგილეების, ასევე, სააპელაციო სასამართლოს თავმჯდომარის მოადგილის ინსტიტუტი. სააპელაციო და რაიონული სასამართლოების თავმჯდომარეებს კი შესაბამისი სასამართლოს მოსამართლეები თავად აირჩევენ. დღესდღეობით მათ იუსტიციის უმაღლესი საბჭო ნიშნავს.
