ოდესის გუბერნატორმა მიხეილ სააკაშვილმა თავის უშტატო მრჩევლად, ოდესაში საქართველოს ყოფილი გენერალური კონსული თეიმურაზ ნიშნიანიძე დანიშნა.
ამის შესახებ მიხეილ სააკაშვილისა და უკრაინაში აშშ-ს ელჩის ჯეფრი პაიეტის პრესკონფერენციის დროს გახდა ცნობილი. სააკაშვილი ელჩთან შეხვედრას ახლად დანიშნულ თეიმურაზ ნიშნიანიძესთან ერთად მართავდა.
მანამდე ცნობილი გახდა, რომ მიხეილ სააკაშვილმა თავისი ერთ-ერთი მრჩეველი მიხეილ კუჩუკა თანამდებობიდან გაათავისუფლა.
