პარლამენტის თავმჯდომარე დავით უსუფაშვილი იმედოვნებს, რომ საჯარო სამოხელეო სისტემაში „საჯარო სამსახურის შესახებ“ კანონპროექტი ახალ სტანდარტებს დაამკვიდრებს.
სტაჟიორებთან გამართულ შეხვედრაზე უსუფაშვილმა განაცხადა, რომ ჩამოყალიბებული პარლამენტების ტრადიცით, საქმის 80 % პარლამენტის აპარატებისა და დეპუტატების თანაშემწეების მიერ კეთდება, რომლებიც არიან პროფესიონალები და ისინი ასევე, არიან საჯარო მოხელეები, რომლებიც სამსახურს არ კარგავენ, როგორც კი პარლამენტის წევრი ან კომიტეტის თავმჯდომარე შეიცვლება, მაქსიმუმ, შეიძლემა მხოლოდ თანაშემწე ან მასთან დაკავშირებული ერთი-ორი ადამიანი შეიცვალოს.
,,პარლამენტში „საჯარო სამსახურის შესახებ“ ახალ კანონს ველით, რომელიც იმედია, რაღაც ახალ სტანდარტებს დაამკვიდრებს საჯარო სამოხელეო სისტემაში და ყველა დაისვენებს - ვისაც ნათესავი ჰყავს, ისინი ვისაც არ ჰყავს, ვისაც ნათესავს ჰყავს და ეძებს, იქნებ ვინმემ სადმე ხმა შეაწიოს, ვისაც ნათესავი ჰყავს და ამ ნიადაგზე კარგავ, რადგან ხანდახან ვერაფერსაც ვერ უკეთებ. თუმცა, არის ხალხი ვინც ყველაფერს უკეთებს. ჩვენ საკუთარ სახელმწიფოს ვანგრევთ იმით, როდესაც პროფესიონალსა და არაპროფესიონალს შორის არაპროფესიონალს ვირჩევთ” - განაცხადა პარლამენტის თავმჯდომარემ.
