გლდანში, ვეკუას ქუჩა # 12 პარტია „თავისუფალი დემოკრატების“ თბილისის ორგანიზაციის რაიონული ოფისი გაიხსნა. ოფისის გახსნას ‘’თავისუფალი დემოკრატების’’ ლიდერები ალექსი პეტრიაშვილი, ზურაბ აბაშიძე და გიორგი ცაგარეიშვილი დაესწრნენ.
ისინი მოსახლეობას მუდმივ კომუნიკაციას და პრობლემების მოგვარებას დაპირდნენ.
‘’უმთავრესი ამოცანა არის, რომ იყოს მუდმივი კომუნიკაცია ჩვენს მოქალაქეებთან მათი პრობლემების რეალურად აღწერაზე. ჩვენ ძალიან აქტიურ რეჟიმში პირველ რიში გვინდა პრობლემების იდენტოფიკაცია და მათი მოგვარების გზების ძიება. პრობლემებზე პასუხი და გადაჭრის გადაწყვეტილება, როდესაც ჩვენ ამ დაპირებას გავცემთ ეს იქნება ტყვიაგაუმტარი დაპირება’’, – განაცხადა ალექსი პეტრიაშვილმა.
შეგახსენებთ, რომ გასულ კვირას „თავისუფალი დემოკრატების“ თბილისის ორგანიზაციის რაიონული ოფისი ისანში გაიხსნა.
