10 ივლისს, ჰელსინკში, ეუთო-ს მაღალი დონის არაფორმალური შეხვედრაა დაგეგმილი, რომელშიც ქართული მხარე საგრეო საქმეთა მინისტრის მოადგილის დავით დონდუას ხელმძრვანელობით მიიღებს მონაწილეობას. როგორც საგარეო უწყების პრესსპიკერმა დავით კერესელიძემ ტრადიციულ ბრიფინგზე განმარტა შეხვედრაზე ევროპული უსაფრთხოების კრიზისზე და ეუთო-ს როლზე უსაფრთხოებისა და სტაბილურობის კუთხით არსებული გამოწვევების დაძლევის პროცესში იმსჯელებენ.
„აღნიშნულ არაფორმალურ შეხვედრაზე ეუთო-ს მონაწილე ქვეყნების დიდი უმრავლესობა მინისტრის მოადგილეების დონეზე იქნება წარმოდგენილი. დელეგაციები იმსჯელებენ ევროპული უსაფრთხოების კრიზისზე, ეუთო-ს როლზე უსაფრთხოებისა და სტაბილურობის კუთხით არსებული გამოწვევების დაძლევის პროცესში. ქართული მხარე, რა თქმა უნდა, ისაუბრებს, რუსეთ-საქართველოს კონფლიქტზე და მის უარყოფით შედეგებზე, ევროპული უსაფრთხოების არქიტექტურისთვის“, - განაცხადა დავით კერესელიძემ.
