საგარეო საქმეთა სამინისტროს სპიკერის დავით კერესელიძის განცხადებით, საბერძნეთი ჩვენი მეგობარი, პარტნიორი, ერთმორწმუნე ქვეყანაა და მის არჩევანს პატივი უნდა ვცეთ.
როგორც მან დღეს გამართულ ბრიფინგზე განაცხადა, საქართველო საბერძნეთის სახელმწიფოსთან ურთიერთობას მომავალშიც გაააგრძელებს.
,,ბერძენი ხალხის ნებისმიერ გადაწყვეტილებას ყველამ პატივი უნდა სცეს. საქართველო კი საბერძნეთის სახელმწიფოსთან ურთიერთობას მომავალშიც გაააგრძელებს. ეს არაფერს უშლის ხელს, რა მთავრობაც უნდა მოვიდეს იქ, იმიტომ, რომ ორივე ქვეყნის ინტერესებშია. გვინდა, რომ არსებული სიტუაცია ძალიან მალე განიმუხტოს და ცხოვრება ჩვეულ რიტმს დაუბრუნდეს“, - აღნიშნა საგარეო უწყების სპიკერმა.
გუშინ, საბერძნეთში რეფერენდუმი ჩატარდა, მოსახლეობის 61, 3 % საერთაშორისო კრედიტორების წინადადების წინააღმდეგია, ხოლო 38, 7% მიიჩნევს, რომ ქვეყანა კრედიტორების წინადადებას უნდა დათანხმდეს.
