ხვალ, 6 ივლისს, 18:00 საათზე, სასტუმროში Rooms Tbilisi (მერაბ კოსტავას ქ. N14,თბილისი), გაიმართება გენდერული თანასწორობის კონკურსის გამარჯვებულთა დაჯილდოება.
უმაღლეს ჯილდოს გენდერული თანასწორობისათვის გადასცემს საქართველოს პრეზიდენტი - გიორგი მარგველაშვილი, რომელიც დაესწრება ღონისძიებას საპატიო სტუმრის სტატუსით.
დაჯილდოების ცერემონიას გახსნიან მანანა კობახიძე - საქართველოს პარლამენტის თავმჯდომარის პირველი მოადგილე და გენდერული თანასწორობის საბჭოს თავმჯდომარე და შომბი შარპი - გაეროს განვითარების პროგრამის (UNDP) ხელმძღვანელის მოადგილე.
გენდერული თანასწორობის მეოთხე ეროვნული კონკურსის ორგანიზატორია საქართველოს პარლამენტის გენდერული თანასწორობის საბჭო გაეროს განვითარების პროგრამისა (UNDP) და შვედეთის მთავრობის ხელშეწყობით.
კონკურსი ტარდება გაეროს ერთობლივი პროგრამის - “გენდერული თანასწორობის ხელშეწყობისთვის საქართველოში” ფარგლებში.
2015 წლის გამარჯვებულთა დაჯილდოებას დაესწრებიან საქართველოს მთავრობისა და პარლამენტის, ბიზნესის, სამოქალაქო საზოგადოებისა და საერთაშორისო ორგანიზაციების წარმომადგენლები.
ღონისძიების მედია პარტნიორები არაინ ჟურნალი Forbes საქართველო, Netgazeti.ge და რადიო თავისუფლება.
გენდერული თანასწორობის ჯილდო გაიცემა ოთხ ნომინაციაში:1. უმაღლესი ჯილდო გენდერული თანასწორობისთვის, 2. ჯილდო გენდერული ბალანსისთვის აღმასრულებელ დონეზე, 3. ჯილდო საუკეთესო და ინოვაციური გენდერული პოლიტიკისათვის, ორგანიზაციის შიგნით, 4. ჯილდო - საუკეთესო მეწარმე ქალი.
კონკურსში მონაწილეობა უფასოა და ღიაა იმ ბიზნეს კომპანიებისათვის, რომლებსაც ჰყავთ 30-ზე მეტი თანამშრომელი, ორ წელზე მეტია მოქმედებენ ქართულ ბაზარზე და რომელთა წლიური ბრუნვა აღემატება 100,000 ლარს.
თანამშრომელთა რაოდენობისა და წლიური ბრუნვის შეზღუდვა არ ეხება ჯილდოს “საუკეთესო მეწარმე ქალი”.ნომინაცი “გენდერული ბალანსისათვის აღმასრულებელ დონეზე” ასევე ღიაა სამთავრობო უწყებებისა და თვითმმართველობის ორგანოებისათვის.
