მომღერალმა მადონამ ამერიკული გამოცემა Harper's Bazaar -ის სვეტში თავისი ახალგაზრდობის მძიმე წლები გაიხსენა. პოპ-დედოფალი მდიდარი და გავლენიანი ქალი ყოველთვის არ ყოფილა. ცნობილი ჟურნალის საკუთარ სვეტში ვარსკვლავმა ისაუბრა თავისი ახალგაზრდობის რთულ დღეებზე, როდესაც ის საცხოვრებლად ნიუ-იორკში გადავიდა.
`ნიუ-იორკი ის არ აღმოჩნდა, რასაც ველოდი, ის გაშლილი ხელებით არ დამხვედრია. პირველ წელს, პოსტოლეტის მუქარით გამძარცვეს, გამაუპატიურეს სახლის სახურავზე, სადაც ზურგზე დანის დაჭერით ამათრიეს და საცხოვრებელი ბინა სამჯერ გამიქურდეს~, _ წერს მადონა.
ამ საშინელი ისტორიის შესახებ მადონამ პირველად 1995 წელს ინტერვიუში ისაუბრა, მაგრამ მას შემდეგ მომხდარი აღარასდროს გაუხსენებია.
`ეს იყო გამოცდილება, რომელმაც ცხოვრებაზე თვალი ამიხილა. მე ნიუ-იორკში მხოლოდ ერთ წელიწადს დავრჩი, მაშინ ძალიან ახალგაზრდა ვიყავი და ყველას ვენდობოდი. თუმცა ამან უფრო ჭკვიანი გამხადა და ციდან დედამიწაზე დამაბრუნა~, _ წერს მადონა
