,,მას შემდეგ, რაც დასავლეთმა ევროკავშირისა და NATO-სკენ საქართველოს მიმავალ გზაზე უკან დაიხია, პრო-რუსული სენტიმენტები კვლავაც გაძლიერდა"- ნათქვამია washington post-ში გამოქვეყნებულ სტატიაში სათაურით - მიუხედავად რუსეთთან წარსული უთანხმოებისა, საქართველო კვლავ მის ორბიტაზე ბრუნდება.

ჟურნალისტი მაიკლ ბირნბაუმის წერს, რომ საქართველო პრო-დასავლური ქვეყანაა, რომელმაც 2008 წელს რუსეთთან ომი გადაიტანა და ცოტა თუ იფიქრებდა, რომ კრემლი აქ ძალაუფლებას დაიბრუნებდა.

სტატიაში ვკითხულობთ, რომ რუსეთმა საქართველოში გაზარდა წარმომადგენლობა სახელმწიფო ახალი ამბების სააგენტოს ქართულენოვანი ბიუროს გახსნით, ენერგოსექტორსა და სხვა წამყვან სექტორებში ინვესტიციების გაღრმავებით.

სტატიის ავტორი აღმოსავლეთ პარტნიორობის სამიტის შესახებაც საუბრობს და წერს, რომ ევროპელმა ლიდერებმა საქართველოს მოქალაქეებს უვიზო რეჟიმზე უარი უთხრეს, რამაც საქართველოს ლიდერების იმედგაცრუება გამოიწვია.

washington post-ის სტატიაში წერია, რომ გერმანიის კანცლერი ანგელა მერკელი, რომელმაც პუტინთან, ევროპის სახელით, მოლაპარაკებები ითავა, წინააღმდეგია ევროკავშირის გაფართოების. ისევე, როგორც აშშ-ის პრეზიდენტი წინააღმდეგია ამ ეტაპზე NATO-ს გაფართოების.

"არც უკრაინა და არც საქართველო არ არიან ნატო-ს წევრობის გზაზე. ნატო-ს ამ ეტაპზე გაფართოების შესახებ გეგმა არ არსებობს" - განაცხადა ობამა.

სტატიაში ნათქვამია, რომ მოლდოვასა და საქართველოში პრორუსი პოლიტიკოსების მხარდაჭერა იზრდება. ავტორი საუბრობს იმაზე, რომ რუსები ცდილობენ მსოფლიოს ამ ნაწილზე დომინირება შეინარჩუნოს. ისინი რეგიონს ევროპელებზე გაცილებით უკეთ იცნობენ და კარგად გათვლილ ნაბიჯებს დგამენ.

washington post-ის სტატიაში წერია, რომ მიუხედავად რუსეთის გაძლიერებისა საქართველო ევროკავშირისა და NATO-საკენ მიმავალი გზის ერთგული რჩება.