ვაშინგტონი დონბასში 18 ოქტომბერს დაგეგმილ სეპარატისტულ არჩევნებს ეხმაურება. საგანგებო განცხადება აშშ ვიცე-პრეზიდენტმა გააკეთა. პრემიერ იაცენიუკთან სატელეფონო საუბრისას ჯოზეფ ბაიდენმა უკრაინის ტერიტორიული მთლიანობის მხარდაჭერა კიდევ ერთხელ გამოხატა და ღიად განაცხადა, რომ ვაშინგტონი დეფაქტო არჩევნების შედეგებს არ ცნობს. აშშ ვიცე-პრეზიდენტის თქმით, სეპარატისტული არჩევნების ჩატარება მინსკის შეთანხმების კიდევ ერთი უხეში დარღვევა იქნება.
