ვეტერანების საქმეთა სახელმწიფო სამსახურსა და 10 არასამთავრობო ორგანიზაციას შორის ურთიერთთანამშრომლობის მემორანდუმი გაფორმდა ,,ვეტერანების საქმეთა სახელმწიფო სამსახურსა“ და ,,ახალგაზრდა უფლებადამცველთა ასოციაციას“, ,,მოძრაობა სოლიდარობას“, ,,დამოუკიდებელ სტუდენტთა ასოციაციას“, ,,საზოგადოებრივი გაერთიანება სამართლიანობისთვის“, ,,სამოქალაქო საზოგადოების განათლებისა და განვითარების ცენტრს“,,ახალი თაობის“, ,,თანადგომა და სამართლიანობის“, ,,საზოგადოება მარშალპრესის“, ,,ახალგაზრდულ ეროვნული მოძრაობის“, ,,თანადგომის“ ურთიერთანამშრომლობის მემორანდუმი გაფორმდა. მემორანდუმის მიზანია ვეტერანთათვის სრული იურიდიული მომსახურების ხელმისაწვდომობის გაზრდა, მომსახურების ხარისხიანი და დროული მიწოდება. როგორც ვეტერანების საქმეთა სახელმწიფო სამსახურის ხელმძღვანელმა, ირაკლი შიხიაშვილმა შეხვედრისას განაცხადა, ერთობლივი ღონისძიებებით ხელი შეეწყობა ვეტერანთათვის უფასო იურიდიული დახმარების ხელმისაწვდომობის უზრუნველყოფას და სამართლებრივი დაცვის მყარი გარანტიების შექმნას.

სამსახური იღებს ვალდებულებას, არასამთავრობო ორგანიზაციებს მიაწოდოს ინფორმაცია უფასო იურიდიული დახმარების საჭიროების მქონე ვეტერანების თაობაზე, ასევე უზრუნველყოს არასამთავრობო ორგანიზაციების ჩართულობა ვეტერანების საქმეთა სახელმწიფო სამსახურში შესამუშავებელი სამართლებრივი აქტების პროექტის მომზადება-განხილვაში; მემორანდუმის ფარგლებში არასამთავრობო ორგანიზაციების მიერ მომსახურება გაეწევა ყველა ვეტერანის სტატუსის მქონე პირს, რომელსაც გააჩნია ან შემდგომში შეიძენს აღნიშნულ სტატუსს.