ჩხოროწყუში მცხოვრები 70 წლის რეზო ჩიქოვანის ოჯახის წევრები პატრულისა და შემოსავლების სამსახურის თანამშრომლებს მოხუცის ცემაში ადანაშაულებენ. მათი მტკიცებით, რეზო ჩიქოვანზე ფიზიკური თავდასხმა 2 თვის წინ დაწყებულ დაპირისპირებას უკავშირდება. მამაკაცი ზუგდიდის რაიონულ საავადმყოფოშია გადაყვანილი. მისი მდგომარეობა საშუალო სიმძიმისაა. ექიმების განმარტებით, პაციენტს დაჟეჟილობები და სისხლჩაქცევები აღენიშნებოდა. ჩიქოვანის ოჯახის წევრებმა დამნაშავეების დასჯის მოთხოვნით პროკურატურას უკვე მიმართეს.
