არაბულ სახელმწიფოთა კოალიცია იემენში დროებით სამხედრო მოქმედებების შეწყვეტას დათანხმდა. ჰუმანიტარული პაუზა 5 დღე გაგრძელდება, რის შედეგადაც ადგილობრივ მოსახლეობას საომარი მოქმედებების ზონის დატოვების საშუალება მიეცემა. მასშტაბური სამხედრო ოპერაცია კოალიციამ მას შემდეგ დაიწყო, რაც ხუსიტმა ამბოხებულებმა ქვეყანაში სახელმწიფო გადატრიალება მოაწყვეს. კოალიციის ავიაცია ამბოხებულთა პოზიციებს ინტენსიურად ბომბავს.
