დღეს უნდა გაირკვეს როდიდან და სად გაიყიდება სუპერთასზე დასასწრები ბილეთები, რომელთა ბეჭდვაც უკვე დაწყებულია. დეტალებზე საბოლოოდ უეფა და საქართველოს ფეხბურთის ფედერაცია შეთანხმდებიან, ოფიციალური კომენტარიც ამის შემდეგ გაკეთდება.
უკვე გადაწყვეტილია, რომ 22 ათასამდე ბილეთი სალაროებში გაიყიდება, თუმცა biletebi.ge პარალელურად აგრძელებს ონლაინ გაყიდვებს, როგორც ქართველ, ისე უცხოელ გულშემატკივრებზე.
ამ დროისთვის გაყიდულია 2300-ზე მეტი ბილეთი. ევროპის სუპერთასის ფინალის აღსანიშნავად, საქართველოს ფეხბურთის ფედერაციის ორგანიზებით, 11 აგვისტოს , საქართველოს ქალაქებსა და რეგიონებში სუპერთასს, ჩემპიონთა ლიგის და ევროპის ლიგის თასებს ჩამოიტანენ.
