უკრაინამ ყირიმს ელექტროენერგიის მიწოდება შეუწყვიტა. ამის შესახებ გვიან ღამით “უკრენერგოს” ხელმძღვანელობამ განაცხადა. რუსეთის მიერ ანექსირებულ ნახევარკუნძულს დენი 24.00-დან აღარ მიეწოდება. ცნობილი ხდება ისიც, რომ კიევმა რუსული გაზის იმპორტზე უარი თქვა. ამის მიზეზი “ნეფტოგაზსა” და “გაზპრომთან” მიმდინარე მოლაპარაკება გახდა, რომელიც ტარიფზე შეუთანხმებლობის გამო ჩაიშალა. რუსეთი უკრაინას ატას კუბამეტრ აირში 247 დოლარს სთხოვს, კიევი კი 30 პროცენტიან ფასდაკლებას ითხოვს.
