თბილისის საკრებულოს დამოუკიდებული დეპუტატის ალეკო ელისაშვილის თქმით, მერიის პასუხისმგებლობაა სტიქიის დროს ადამიანები რომ დაიღუპნენ. როგორც დეპუტატმა „არჩევანის“ ეთერში განაცხადა, დავით ნარმანიას უმწეობა ფატალურია.
„მერიის პასუხისმგებლობაა, იქ რომ ადამიანები დაიღუპნენ, რომ ადამიანებმა ამხელა ტრავმა და დანაკარგი მიიღეს, - განაცხადა ელისაშვილმა და დაამატა: ნარმანიას უმწეობა უკვე არის ფატალური, დავით ნარმანია 13 ივნისის შემდეგ მაინც რეალურად მერი უნდა გახდეს და ქალაქზე რეალურად უზრუნოს.“
დამოუკიდებულმა დეპუტატმა მერია დაადანაშაულა იმაშიც, რომ 5 ივნისის წყალდიდობის შემდეგ თბილისის ხელისუფლებამ სათანადო რეაგირება ვერ მოახდინა.
„5 ივნისს მოხდა პირველი წყალდიდობა.5 ივნისის მერე რა გააკეთა ქალაქის ხელისუფლებამ იმისთვის, პრევენცია რომ მომხდარიყო?! ერთი ხეობაა, რამდენიმე კილომეტრია... შეისწავლეს მეწყერსაშიში ზონები? თუ შეისწავლეს, რატომ არ მოხდა ადამიანების ევაკუაცია?!“ - განაცხადა ელისაშვილმა.
