,,ჩვენ საქმეებს არ ვალაგებთ, ღარიბაშვილს და მისი ნათესავებისგან განსხვავებით”, _ ასე გამოეხმაურა ,,თავისუფალი დემოკრატების” წევრი ნინო გოგუაძე პრემიერ ირაკლი ღარიბაშვილის განცხადებას, თავდაცვის ყოფილ მინისტრ ირაკლი ალასანიასთან დაკავშირებით.
,, ეს არის სიცრუე. ირაკლი ალასანიამ როდესაც გაიგო, რომ პროკურატურა თავდაცვის სამინისტროში შევიდა პრემიერ-მინისტრს სთხოვა გაერკვია რაშია საქმე, რომ თავდაცვის უწყებას ნაკლები ზიანი მიყენებოდა. მხოლოდ ეს თხოვნა იყო, რაზეც ირაკლი ღარიბაშვილი თითქოს დასთანხმდა და შემდეგ წუხდა, რომ ასეთი შეხვედრა ვერ მოხერხდა ეს და შემდეგ ვნახეთ, როგორ დემონსტრაციულად დააკავეს სრულიად უდანაშაულო ადამიანები”, _აცხადებს გოგუაძე.
შეგახსენებთ, რომ პრემიერ-მინისტრ ირაკლი ღარიბაშვილის განცხადებით, ჯერ კიდევ თავდაცვის მინისტრობის დროს ირაკლი ალასანიამ მთავარ პროკურორთან ე.წ. კაბელების საქმეზე შეხვედრის ორგანიზებაში დახმარება სთხოვა, რაზეც უარი მიიღო.
