გიგი უგულავას ორი პროცესი გაიმართება დღეს საქალაქო სასამართლოში. თბილისის ყოფილი მერი არც ერთ სხდომას არ დაესწრება. 11 საათზე ჩანიშულ პროცესზე “სი-თი პარკსა” და უკანონო შემოსავლების ლეგალიზების ეპიზოდებზე იმსჯელებენ. ამავე საქმეშია გაერთიანებული წინასაარჩევნოდ მარნეულის საოლქო კომისიაში მომხდარი ინციდენტი.
მეორე პროცესზე კი რიყისა და ტელე-იმედის ეპიზოდებს განიხილავენ, ასევე იმსჯელებენ „თბილ-სერვის-ჯგუფის“ საქმეზე, რომელიც 700 ადამიანის დასაქმებას შეეხება.
გამოძიება უგულავას თბილისის მერიის მიერ დაფუძნებული შპს „თბილ-სერვის-ჯგუფიდან“ სახელმწიფოს კუთვნილი 5 მილიონი ლარის გაფლანგვას ედავება.
