პოლკოვნიკ სერგო თეთრაძის წამების საქმეზე მსჯავრდებული ძალადობის შემზარავ დეტალებს ჰყვება. სატელეფონო ინტერვიუ "იმედის კვირაში" გაჟღერდა. პატიმრის ვინაობა დაფარულია.
„შარვალი ჩავხადეთ [სერგო თეთრაძეს], მე დავიჭირე და მეორეს ვეუბნებოდი: მიდი, მეთქი, გააკეთე რამე! თან ამას ვიდეოკამერით იღებდნენ. ამ ამბის მერე ხელი რომ გავუშვი, ჩვეულებრივად ადგა, შარვალი აიწია, სკამზე დაჯდა და რამოდენიმე წუთში გადავარდა... ბეტონზე სახით დაეცა და ცუდად გახდა. <...> ისეთი ნაწამები იყო [სერგო თეთრაძე], მაგას ჩემი ცემა და ხელის შეხება რაღად უნდოდა. არ მიწამებია! კი, 4-5 ჯერ მოვცხე სახეში, მხარში, ბეჭებში... ჩემი უფლება და არჩევანის საშუალება რომ ყოფილიყო, საერთოდ არ ჩავიდენდი ამას და იმ კაცს არაფერს დავუშავებდი. იცით რეები ხდებოდა?! ენით ვერ აგიღწერთ. მაგრამ, რომ ვუყურებდი, შეიძლება მის დღეში მე აღმოვჩენილიყავი. რა უნდა მექნა?!“ - ამბობს სერგო თეთრაძის წამების საქმეზე მსჯავრდებული.
