28 ივნისს, 23:00 საათზე ერევნის პოლიცია სომხეთის დედაქალაქის ცენტრში ,საზოგადოებრივი წესრიგის აღდგენას გეგმავს.
ქალაქის პოლიციის განცხადებით, პოლიცია კანონით გათვალისწინებულ ყველა საშუალებას გამოიყენებს, რათა ბაგრამიანის ქუჩაზე საზოგადოებრივი წესრიგი აღდგეს. მისი თქმით, საზოგადოებრივი წესრიგის აღდგენა ადგილობრივი დროით 23:00 საათიდან დაიწყება, კანონდამრღვევები კი დაისჯებიან.
ცნობილია, რომ ქვეყნის პრეზიდენტმა სერჟ სარგსიანმა მომიტინგეებს დაშლისა და პროტესტის სხვა მშვიდობიანი ფორმების გამოყენების და პრობლემის ერთობლივად გადაწყვეტისკენ მოუწოდა. აქციის ორგანიზატორები ადგილობრივი დროით 18:00 საათზე შეკრებას და საერთო პოზიციის ჩამოყალიბებას გეგმავენ
