ფრაქცია „ერთიანი ნაციონალური მიძრაობის“ წევრი მარიამ საჯაია გადაცემა «პირველი სტუდია»– ში მოხალისეების შესახებ კანონში ცვლილებებს აკრიტიკებს. დეპუტატის თქმით, „თუ ეს კანონი იარსებებს უნდა შეიცვალოს მისი ფორმა“.
«არსებული ფორმა ზღუდავს მოქალაქეების თავისუფლებას. მოხალისეებს ვალდებულებები უწესდებათ. მაგალითად, წერილობით უნდა გაფორმდეს მოხალისეობრივი ხელშეკრულება. წარმოუდგენია ვინმეს, რომ მზიურის შესასვლელში, როდესაც იქ ათასობით მოხალისე მიდიოდა, იქ ყოფილიყო სტენდები გაშლილი და წერილობით ხელშეკრულებას დებდნენ?» - განაცხადა მარიამ საჯაიამ.
დეპუტატის თქმით, მოხალისეები იყვნენ თვითორგანიზებულები, ისინი თვითონ ახერხებდნენ კოორდინაციას, იმაზე უფრო უკეთ, ვიდრე მთავრობა ერთმანეთში ახერხებდა.
«როდესაც ქვეყანაში არის მდგომარეობა, რომ გარკვეული ნორმატიული აქტები ხელს უშლის მოხალისეობის ინსტიტუტის არსებობას, ამ შემთხვევაში, შესაძლოა, იყოს საჭირო ამ კანონის მიღება. როდესაც კი არ არსებობს გარკვეული ბარიერები, დამატებითი რეგულაციების დაწესებამ, შესაძლოა, შემაფერხებელი როლიც ითამაშოს მოხალისეობის საქმიანობის განვითარების პროცესში», – აღნიშნა საჯაიამ.
