„სამოქალაქო ალიანსი საქართველოსთვის“ და „ქრისტიან დემოკრატიული მოძრაობა“ დავით ნარმანიას და სხვა პირების მიმართ სისხლის სამართლის საქმის აღძვრას ითხოვს. აღნიშნული მოთხოვნით, პროკურატურაში თბილისის მერის და სხვა მაღალჩინოსნების წინააღმდეგ საჩივარი უკვე შევიდა.
“13 ივნისის ღამეს ქალაქის მერი ვერ მოქმედებდა ადეკვატურად. მას არ ეყო ცოდნა და გამოცდილება იმისათვის, რომ კრიტიკულ სიტუაციში გაეწია სათანადო რეაგირება მოვლენებისათვის. მიუხედავად იმისა, თუ როდის აღძრავს პროკურატურა მის მიმართ სისხლის სამართლის საქმეს, ჩვენ მოვუწოდებთ დავით ნარმანიას, აიღოს პოლიტიკური პასუხისმგებლობა 13 ივნისის ტრაგედიაზე და დატოვოს თანამდებობა“, – აცხადებენ ოპოზიციის წარმომადგენლები.
