40 ათასამდე მიგრანტს, რომლებმაც საბერძნეთისა და იტალიის ტერიტორიაზე შეაღწიეს, ევროკავშირის ქვეყნებში 2 წლის განმავლობაში გაანაწილებენ. შესაბამისი გადაწყვეტილება ევროკავშირის ლიდერებმა ბრიუსელში გამართულ სამიტზე მიიღეს. მიგრანტთა განსახლების გეგმა ევროკავშირის წევრი სახელმწიფოების შინაგან საქმეთა მინისტრებმა ივლისის ბოლომდე უნდა წარმოადგინონ. სამომავლოდ ევროკავშირის ტერიტორიაზე კიდევ 20 ათასამდე მიგრანტის განსახლება იგეგმება.
