ევროჯგუფმა ათენთან შეთანხმებას ვერ მიაღწია. ამის შესახებ ევროსაბჭოს პრეზიდენტმა დონალდ ტუსკმა განაცხადა. მისივე თქმით, საბერძნეთის საკითხს ევროკავშირის ფინანსთა მინისტრები კიდევ ერთხელ ხვალისთვის განიხილავენ. საერთაშორისო კრედიტორები საბერძნეთის ხელისუფლებას ხისტი ეკონომიკური რეფორმების გატარებას სთხოვენ, რაზეც ათენი უარს აცხადებს. იმ შემთხვევაში, თუ ათენი დონორების მიმართ არსებული დავალიანების ნაწილს არ დაფარავს, საბერძნეთს გარდაუვალი დეფოლტი ელის.
